တစ်နိုင်ငံလုံးအတွက် လောလောဆယ် အရေးကြီးနေတဲ့ သဘာဝပတ်ဝန်းကျင် ကိစ္စတွေကို အကျဉ်းချုံး ဖော်ပြထားပါတယ်။ ဂျာနယ်နဲ့ စာအုပ်စာတမ်းတွေ ဖတ်ရှုပြင်ဆင်ထားရင် သိလိုတဲ့ ပရိသတ်ကို အကျယ်ရှင်းပြနိုင်ပါလိမ့်မယ်။
ကိုယ့်ရပ်ရွာနဲ့ ဆက်စပ်တဲ့ အကြောင်းအရာတွေ ဖန်တီးပြင်ဆင်ဖို့လည်း လိုပါလိမ့်မယ်။
သဘာဝပတ်ဝန်းကျင်ဆိုင်ရာ ကားချပ်တွေက တစ်နိုင်ငံလုံးခြုံပြီး ယေဘုယျပြောတဲ့ ကားချပ်တွေများပါတယ်။ ကိုယ့်နေရာဒေသက သဘာဝပတ်ဝန်းကျင် ပြဿနာ အစရှိတဲ့ အကြောင်းအရာတွေကို ဓာတ်ပုံရိုက်၊ စာတန်းထိုးပြီး ကားချပ်တွေ ဖန်တီးနိုင်ရင် ပိုခရီးရောက်တာပေါ့။
ကိုယ့်နေရာဒေသက ဓာတ်ပုံ၊ စာကဗျာ ဝါသနာပါသူတွေ ပါဝင်လာအောင် လုပ်ကြရမှာပေါ့။
ဓာတ်ပုံပြိုင်ပွဲ၊ ကလေးပန်းချီပြိုင်ပွဲတွေ ထည့်သွင်းပေးတာလည်း ပရိသတ် စိတ်ဝင်စားမှု ရစေနိုင်ပါတယ်။
သဘာဝပတ်ဝန်းကျင် ပိုစတာများကို အောက်ဖော်ပြပါ Link မှတစ်ဆင့် Download ရယူနိုင်ပါသည်။ ပြပွဲပိုစတာများ စုစုပေါင်း ၂၀ ပါဝင်ပါတယ်။
